தீபாவளி

தரமான வாழ்வில் உரம் சேர்க்கும் வேளை
கரம் கோர்க்கும் நேரம் சரம் உதிரும் பூவாய்
சிரம் குனியும் தரம் கெட்ட வாழ்வாய்
தரணி விட்டோடி பரணியில் பரிதவித்து
மரமே தஞ்சமென்று வீதி வரபோரம் விதிஎன்று
வாழ்ந்து வரும் சுரம் கெட்ட சுருதி தமிழினம்

மஞ்சமதில் வீட்டிருந்த புகழ் விஞ்சு தமிழ் குடிமக்கள்
கொஞ்சு தமிழ் பேசும் பிஞ்சுக் குழந்தைக்கே
கஞ்சிக்கு கெஞ்சி நிற்கும் பரிதாபம்
நெஞ்சுக்கு சுமைதானே வஞ்சம் தான் யார் செய்தார்

மண் மீது பித்துடைய மாந்தர் சிலர் செயலால்
கண்ணீரில் வாழும் மக்களையும் மறந்து
பண்பட்ட பூமியை பார் போற்றும் பொன்னாட்டை
புண்பட்டு நோக வைத்து என்ன இன்பம் கண்டனரோ

குமிறும் அந்நியர் குண்டுத் தாக்குதல்
உமிழும் உயிரை உலை வைக்கும் உலகம்
அமிழும் இனமாய் ஆதரவு தேடும்
தமிழர்க்கு வேதனையா தமிழுக்கும் சோதனையா

இடம் விட்டு இடமோடி இடர் திர்ந்த பாடில்லை
மடம் விட்டு மடம் நாடி மார்க்கமும் தெரியவில்லை
குடம் தண்ணிக் கலைந்து குரங்கோடு வாழும் நாம்
சடம் போல நிற்கின்றோம் திடம் யார் தருவார்

பட்ட துயர் இனி மாறுமா அதை பச்சைக்கிளியது பாடுமா
வெட்ட வெளியிடை உடே ஒரு வெற்றி முரசொலி போடுமா
கட்டிக்கரும்பெனும் வாழ்க்கை என கன்னிக்குயிலது கூறுமா
திட்டமிட்ட  தீபாவளி  திருநாட்டில் வலம் வருமா

அக்கினி 
ச. நித்தியராம்